Editor/a Vídeo — Diputación Provincial de Lugo

6.A) MATERIAS COMÚNS

1. 1. A Constitución Española de 1978. Aspectos esenciais desta. Dereitos e deberes fundamentais dos españois.
2. 2. Principais órganos do Estado: a Coroa e as Cortes Xerais.
3. 3. O Goberno e a Administración na Constitución Española.
4. 4. A organización territorial do Estado. Distintas Administracións Públicas. A administración do Estado, autonómica e local.
5. 5. A Comunidade Autónoma de Galicia. Idea esencial das súas competencias. A súa organización institucional.
6. 6. A provincia como entidade local. Competencias. A Deputación Provincial de Lugo: organización básica, complementaria e administrativa.
7. 7. Principios de actuación da Administración Pública: eficacia, xerarquía, descentralización, desconcentración e coordinación. A administración electrónica.
8. 8. O persoal ao servizo das Corporacións Locais. Dereitos e deberes dos funcionarios ao servizo da Deputación Provincial de Lugo.

6.B) MATERIAS ESPECÍFICAS:

1. 9. A imaxe audiovisual: Formación e características da imaxe. Encadre, resolución, relación de aspecto e frecuencia de imaxe. Exploración entrelazada e progresiva. Imaxe fixa e imaxe en movemento. Aplicación destes conceptos á edición audiovisual.
2. 10. O sinal de vídeo: Conceptos básicos do sinal analóxico e dixital. Luminancia e crominancia. Sincronismos. Niveis do sinal de vídeo. Características xerais dos sistemas PAL, NTSC e SECAM. Transición da televisión analóxica á dixital.
3. 11. Parámetros do vídeo dixital: Resolución, frecuencia de cadros, profundidade de bits e taxa de datos. Submostraxe de crominancia. Relación entre estes parámetros, a calidade da imaxe e o tamaño dos ficheiros. Identificación das características técnicas dun material audiovisual.
4. 12. Formatos, códecs e contedores: Diferenza entre formato, códec e contedor. Compresión con perdas e sen perdas. Características xerais de H.264, H.265, ProRes, DNxHD e DNxHR. Contedores MOV, MXF e MP4. Formatos de adquisición, edición, distribución e arquivo.
5. 13. A cor na imaxe audiovisual: Temperatura de cor, balance de brancos, exposición, contraste e saturación. Nocións básicas de RGB e YCbCr. Espazos Rec. 709 e Rec. 2020. Diferenzas básicas entre SDR e HDR. Conservación da coherencia de cor durante a edición e a exportación.
6. 14. Principios da linguaxe audiovisual: Tipos e tamaños de plano. Angulacións e movementos de cámara. Campo e fóra de campo. Profundidade de campo. Función narrativa e informativa dos planos. Relación entre imaxe, son e texto.
7. 15. Composición da imaxe: Encadre, equilibrio, peso visual, dirección da mirada, aire, simetría, perspectiva e regra dos terzos. Composición estática e dinámica. Aplicación dos criterios de composición á selección de planos e ao reencadre.
8. 16. Teoría da montaxe: Concepto e funcións da montaxe. Selección, ordenación e duración dos planos. Montaxe narrativa, descritiva, rítmica, expresiva e conceptual. Construción do tempo e do espazo audiovisual.
9. 17. Continuidade audiovisual: Raccord de posición, movemento, dirección, mirada, luz, vestiario e son. Eixe de acción e regra dos 180 graos. Regra dos 30 graos. Entradas e saídas de campo. Saltos de continuidade e recursos para resolvelos na edición.
10. 18. Ritmo e estrutura dunha peza audiovisual: Ritmo interno e externo. Duración dos planos. Relación entre imaxe, locución, declaracións, música, efectos e silencio. Estrutura de inicio, desenvolvemento e peche. Adaptación do ritmo ao contido e á duración da peza.
11. 19. Operacións e técnicas de edición: Corte, fundido, encadeado e outras transicións. Edición por inserción e sobrescritura. Edición de tres puntos. Corte sobre a acción. Planos recurso. Axuste da duración dos planos. Cambios de velocidade, conxelacións e remapeado temporal básico.
12. 20. Sistemas de edición non lineal: Características xerais dos programas profesionais de edición. Interface, proxectos, secuencias, visores, pistas, liña de tempo e paneis de medios. Ferramentas básicas de selección, corte, desprazamento, trimado e substitución de planos.
13. 21. Creación e configuración dun proxecto: Creación de proxectos e secuencias. Configuración da resolución, relación de aspecto, frecuencia de imaxe, audio e espazo de cor. Modelos de proxecto. Gardado automático, recuperación e organización das diferentes versións.
14. 22. Inxesta e preparación dos materiais: Recepción, descarga, copia e verificación dos ficheiros. Comprobación dos soportes. Clasificación e visionado. Selección de tomas. Creación de proxies. Transcodificación, reenlace e consolidación de materiais.
15. 23. Organización dos proxectos de edición: Estrutura de cartafoles e bins. Nomenclatura de ficheiros, secuencias e versións. Etiquetas, marcadores e metadatos básicos. Separación de brutos, recursos, grafismos, músicas, locucións, proxectos e exportacións.
16. 24. Código de tempo e sincronización: Concepto e utilidade do código de tempo. LTC e VITC. Código de tempo de orixe e de secuencia. User bits. Sincronización mediante código de tempo, claqueta e forma de onda. Sincronización de materiais procedentes de varias cámaras e gravadores.
17. 25. Edición multicámara: Preparación e sincronización dos sinais. Creación dunha secuencia multicámara. Selección e cambio de cámaras. Axuste dos puntos de corte. Mantemento da continuidade visual e sonora. Aplicación a actos, entrevistas, conferencias, concertos e programas.
18. 26. Intercambio e recuperación de proxectos: Importación e exportación de proxectos e secuencias. Nocións básicas de XML, AAF e EDL. Reconexión de medios. Empaquetado e consolidación. Recuperación dun proxecto cando faltan ficheiros, fontes, efectos ou vínculos.
19. 27. Edición de pezas informativas: Montaxe de noticias, declaracións, comparecencias, entrevistas e reportaxes breves. Selección de totais e imaxes de recurso. Relación entre locución e imaxe. Identificación de persoas e lugares. Respecto ao significado e ao contexto das declaracións.
20. 28. Edición de vídeos institucionais: Características da comunicación audiovisual das administracións públicas. Montaxe de actos, campañas, visitas, presentacións e contidos de servizo público. Claridade da mensaxe, identificación da fonte e aplicación da identidade gráfica institucional. Principios de veracidade, neutralidade e respecto á finalidade pública da comunicación.
21. 29. Edición de reportaxes e documentais: Organización de entrevistas, testemuños, recursos e material de arquivo. Construción dunha estrutura narrativa a partir de materiais gravados. Selección de fragmentos. Continuidade temática. Utilización contextualizada das declaracións e dos documentos.
22. 30. Edición de programas, actos e espectáculos: Montaxe de programas culturais, musicais, divulgativos e de entretemento. Edición de actos institucionais, conferencias e espectáculos. Selección de cámaras. Continuidade entre intervencións, actuacións, público e imaxes de recurso.
23. 31. Edición para internet e redes sociais: Características dos formatos horizontal, vertical e cadrado. Adaptación da duración, o encadre e o ritmo. Reels, stories e pezas breves. Inserción de subtítulos e rótulos. Creación de diferentes versións a partir dunha mesma edición.
24. 32. Corrección básica de cor: Corrección da exposición, balance de brancos, contraste, negros, altas luces e saturación. Igualación de planos procedentes de cámaras ou condicións de gravación diferentes. Curvas, rodas de cor e máscaras básicas. Uso prudente de LUT.
25. 33. Instrumentos de control da imaxe: Monitor de forma de onda, vectorscopio, histograma e parade RGB. Interpretación básica da información. Detección de niveis incorrectos, dominantes, recortes en luces e negros e cores fóra de rango. Comprobación visual en monitor.
26. 34. Rotulación, subtitulado e grafismo audiovisual: Títulos, cabeceiras, créditos e rótulos identificativos. Creación, sincronización e revisión de subtítulos. Tipografía, tamaño, posición, contraste e tempo de lectura. Zonas seguras. Principios básicos de accesibilidade aplicados aos textos en pantalla. Aplicación da identidade corporativa. Utilización e modificación de modelos gráficos previamente definidos.
27. 35. Efectos, composición básica e ferramentas automatizadas: Traballo con capas. Opacidade, máscaras e modos de fusión. Incrustación mediante chroma key. Estabilización, seguimento básico, reencadre e desenfoque de elementos. Ferramentas automatizadas para transcrición, subtitulado, limpeza ou tratamento de materiais. Revisión dos resultados. Criterios para empregar estes recursos sen alterar o significado nin a veracidade das imaxes.
28. 36. Fundamentos e edición do son: Frecuencia, amplitude, intensidade, ton e timbre. O decibelio. Son mono, estéreo e multicanle. Frecuencia de mostraxe e profundidade de bits. Edición de voz, música, ambientes e efectos. Fundidos, ecualización básica, redución de ruído, compresión e limitación.
29. 37. Mestura e control de audio: Organización das pistas. Axuste e automatización de niveis. Continuidade sonora. Relación entre diálogos, locución, música, ambientes e efectos. Medición de picos e sonoridade. Prevención da saturación. Sincronía entre imaxe e son.
30. 38. Exportación e control de calidade: Configuración da exportación segundo o destino. Máster, copia de emisión, ficheiro de consulta e versión para redes sociais. Resolución, códec, taxa de bits, frecuencia, audio e espazo de cor. Revisión de imaxe, son, rótulos, subtítulos, duración e sincronización. Identificación e corrección de erros.
31. 39. Arquivo e conservación dos proxectos: Organización dos brutos, proxectos, grafismos, músicas, locucións, másteres e versións. Copias de seguridade. Verificación das copias. Almacenamento local e compartido. Recuperación de proxectos. Metadatos básicos. Preparación dos materiais para a súa conservación e reutilización.
32. 40. Dereitos e uso responsable dos materiais audiovisuais: Propiedade intelectual dos vídeos, fotografías, músicas, grafismos, guións, locucións e materiais de arquivo. Licenzas, autorizacións, dominio público e licenzas abertas. Dereito á propia imaxe e protección de datos. Uso de imaxes de menores e doutros colectivos especialmente protexidos. Confidencialidade, integridade dos contidos e respecto aos dereitos de terceiros no emprego de ferramentas dixitais e de intelixencia artificial.